Friday, 6 March 2020

ZBC pian nathu. by Rev. koi lam thang

ZBC    PIANNA TANG THU 
By ~ Rev. Khoi Lam Thang 
    Nov 2; 2018 

( Hih Thu gelhpa Rev. Khoi Lam Thang tung ah i lugdam hi. Myanmar Bible Society ah Term 3 bang General Secretary asem hita hi...Ama gelh ah omlo thute Laibu  dang simding  ko gelh hi. Hi thu tawh kisai  Kicingtak in EC / Delegate ; GC Delegate  Thukhensat nimit cihte leh Laigelhpa gelh ah thu kicing zawh ZBCM TIN JUBILEE MAGAZINE 1995~2015 LEH COPE CENTENARY JUBILEE MAGAZINE ( Rev. Suan Khen Mung ) 1910~2010 ah Thu kicing om; Hih Bunih ah Omlote ZOGAM TUIPHUM PAWLPI TANGTHU BY Rev. Kam Khaw Thang gelh ; Sukte .T Hau Go Tang Thu by Pi Luan Za Cing gelh leh Rev.Tuang Khan Kap Laidal Hawm 2013 ah thutampi om hi. Zolai vive tawh kicingtak I neihman in Laigelhte zahtakna ka pia hi.by Kham Lam Tuang ) 
😂😂

1899 in Carsonte Zogam hong tung a, 1953 kum in ZBC piang hi. 1948 kum a piang HBA, FBA, leh TBA kigawm ZBC kici ahi hi. Hih bangin Association thum a pian ma in Zogam bup a om Baptist Pawlpi khempeuh "All Chin-Hills Baptist Association" kici hi. 1919-1938 ciang Cope topa vaihawm "Tedim Kam Thu kizakna lai" zong "Chin Hills News" kici hi.
1940 kiim India gam sanggamte in zong "Mizo" a kicih hun pawl a kipan in "Chin" sangin "Zo" tawh kiminlawh ding ngaihsutna hong laang hi. 

Rev.ST HAU GO IN ZBC PHUT

Rev ST Hau Go US pan hong ciah ciangin Zogam pawlpite dinmun sangmangte in hong puahphat nop hun tawh kituak a, HBA, FBA lah TBA teng kipawlna khat neih ding hong gel uh hi. Tua vaihawmna a tangtun na dingin ZBC hong piang hi. Mi pawlkhatte in Sia Hau Go makaih ahih manin "Zomi" min a pua hi ci in mawhsak uh hi. Hih hun lai pek a kipan in min thu bek hi lo a, sum thu leh a dangdang ah zong khat le khat kigimneihna kinopmawhna khaici kipanpan khin hi.

😀REV.DR.KAM KHAW THANG  IN CHIN SANG IN ZOMI THUSAK ZAW 

CCOC kipatma ciang:
Sangmang Johnson bangin zong "Chin" mah ci viuveu hi leh kilawm hi. ZBC makaihna nuai ah Lai Siangtho sang kiphuan a, Zomi Baptist Bible School kici pen a masa pen certificate piak ding ciangin (1959)alaidal tungah "Chin Baptist Bible School" ci in Johnson in gel hi. Rev Kam Khaw Thang in nasia tak in thalnial ngei hi.

  😁TEDIM LAMTE IN PASIAN NASEM FALAM LAMTE BANG IN ZAHTAK ZOLO  

Zomi te a phualphual ah biakna lam i kimakaihzia kibang lo hi. Falam gam Khalkha gam ah Pasian leh Pasian nasemte zahtakbawl in thupisim uh a, Tedim gam ah Pasian nasemte pen kithupisim khollo in maineu uh hi. 

Tua ahih amnin mipil misiam a khangmasasa in Pasian nasep ding sangin kumpi nasep ding sumzon ding hanciam zaw uh hi. I lawm dangte in Tan 10 ong, BA, B.Sc ngahte mah biakna lam ah na kipia uh a, Zogam ki makaihna ah dinmun kician hong nei hi.

 1980 masiah ciangciang Tedim mi lak ah Tan 10 ong leh Graduate khin sa Lai Siangtho sang kah tawm mahmah a, a om sunsun ZBC, MBC, MCC dongah na kihel uh hi. Tedim mite in makai haksatna (Leadership crisis) phukha hi hang. Tua kawmkal ah TBA sung pan ZBA leh SRBA inntuan hi. Tuiphum pawlpi nusia in Thang Za Kam, EBC, AG, UPC … te piang hi. 

Hih bang a minam sung kitapzan ngiingei nate ah thudam leh thunamtui tawh kikhen liailiai na om khol hi. Thang Za Kam pawlpi tawh kikhen ding lai in ZBC pan a lemtuah ding hong pai makaite in "No Tedimte na haksatna uh pen Surgical method na zat luat man uh hi" hong ci kici hi. Nengno a na khat kheisuk ding a ling lakhia ding cih lungpuak nei hi hang.

CCOC SUMZEKDAN TEDIM LAMTEN MAWHSAK 

1983  CCOC pan 1995 ciang
1983 ciangin CCOC hong piang hi. CCOC min ngiat pen "Chin" min dinpihna khat in kimu hi. Ahih hangin Tedim lamte in nasia takin mapang a, CCOC ading in a simasa Cin Khaw Thawn Tedim mite mah ahi hi. Asi 7 lak ah 5 in Tedim mite hi. Piakkhiatna ah zong a hanciampente hi. Hih bang hun laitak in ZBC makaihna nuai ah sumzat zia, makaihzia a kipan thu tuamtuam ah Tedim mi makaite teltheihloh thu, mawhsakna, etkhialhna hong khang semsem hi.

😁 HAKHA HBA IN ZBC TOPSAN DING TO

Hih hun sung mah in ZBC structure et phat kikna ding nakpi tak in ZBC EC ciangah kikum den uh hi. Khalkha lamte in ZBC pan paikhiat ding hanciam ngei hi. 

ZBC mahmah MBC tawh kizom lo in BWA tawh kizop ding ciang makaite ngaihsutna thusim ah om ngei hi. 

Ni khat ni ciang kihen kul veve ding ahih ciangin "kampau-language" bulphuh a kikhen zaw ding maw "gam le lei-geography" bulphuh a kikhen zaw ding cih pen thulu lianpi hong suak a, a tawp ma ah ZBC Trienial in a khensat ding ciang tun uh hi. 
 
  REV. DR.CHUM AWI ZBC GS DING NOMINATED KHINSA IN GEN 
 
 ZTS Principle  semkhin zong hin ; ZBC GS  term khat sem asemlai Term 2 nakitel hi.

1995 Khuasak thupiang Khuasak ah 1995 kum in ZBC Trienial tung a, tua sung ah ZBC pen khang tawntung kikhen lo ding cih vekpi lungkim in khensat uhhi. Tua thu khensatna khit ciangin "kitelna" om hi.

😂 ZBC GS dingin Rev. Dr. Chum Awi a ki norminate khinsa ahi hi. Tedim lamte ngaihsut na ah tutung pen ei Tedim lamte GS sep hun ahih manin GS post hong piak uh leh ZBC tawh kipawl lai ding, hong piak kei uh leh ZBC pan paikhia ding cih vaihawmna tawh England a sangkah kim lai Rev. Thawng Khan Cin kisam a, GS kidemsak hi. Kilel hi. 

(ZBC GS ding a kitel Rev. Dr Chum Awi in kum khat zong sem manlo in gamdangah hong zinsan a, KVBA GS ding a kitel Rev. Tuang Khan Kap in vaihaksapi sung GS sem hi.)

   ZBC PAN ASSOCIATION 5 TAWPNA

GS a kingah loh ciangin Khuasak khua ZBC Trienial kikhoppi sung mah ah Tedim lam teng kituam kup pah uh a, ZBC pan paikhaitna ding vaihawm uh hi.
   Tuate sung ah TBA, TTBA, KZBA, TVBA, ZBA teng kihela, SRBA in a mau leitang tung a thu kivaihawm laitak ahih na hang tawh kikhen ding thu pompih zolo uh hi. ZBA te a sawt lo in ZBC mah ah kileh kik uh hi. TBA tangmite inn a tun kik uh ciangin mipi lungkim lo ahih manin a pai khiate lah pawm nawn lo, ZBC ah lah ciah kik lo in tangdin uh hi. A paikhia te in "ZBC sung sum leh paaizat na ah hong muang zo kei ung" cih siksan bulpi in nei uh hi.
Hih thu teng a pian ciangin ZBC in commission a dawldawl seh in haksatnate lem napi 1998 kumthum cin kik dong kigawm kik ding ciang tun zolo hi. 
   
ZBCM IN ZBC MAIPHA INNTUAN NGAHLO

A paikhia te in ZBCM min pua uh a, Kawlpi ah kiphual uh hi. ZBC tung ah inntuan nang thu dam tawh a nget uh hangin lawhcing lo hi. ZBC in a paikhia te kiang ah vok go in a khaam kawikawi hangin zong a phattuamna om nawn lo hi. Tua kawmkal ah Tedim mi sung (a diakdiak in TBA sung ah) 'C' leh 'M' thu hangin zum kong mang kong kitun, u leh nau ki nopmawh, sisan naisan luanna pianghi.

😂 Advisers  😂TBA in thudot (Patron) dingin a seh uh Rev. Dr. Pau Khan En, Rev. Dr Kam Khaw Thang, Rev. Dr. Do Sian Thang leh Rev. Smith Ngul Za Thawng te tawh kimuh na zong om zelzel hi. 

Tedim kampau sia khempeuhh kimuhkhopna zong kibawl hi. ZCLS makaihna tawh consultation zong kisam hi. Ahih hangin thudot te in "ZBC ah ciah kik ding" hi kinken a, ZBCM makaite in "Ciahkik lo ding mainawt ding" hi den hi. Tua bangin TTBA, TVBA, leh KZBA in ZBCM mintawh "ngal hapaksa tum kik kei" ci in mainawt suak uh hi. TBA tangdin gige hi. 

TBA sung pan in Mualbeem khawk te in TAB =Tedim Association of Baptist 
  ( Vangtenh Hqtr) ci in Association thak kipan uh a 1999 Trienial ah ZBC tawh kizom uh hi.

MBC GS THAK REV.DR. SIMON PAU KHAN EN ZBC SUNG BUAINA ZBCM TE ADING ZINLO IN; TBA TE ADING ZINTO HI ZAW 

1998 Trienial khit ZBC triennial in MBC ah hih thu haksa a puak toh dingin a kigen hangin EC leh ap kik hi. 1999 kum ciangin MBC tun pan uh hi. MBC GS pen Rev. Saw Mar Gay Gyi leh Rev. Simon Pau Khan En hong kilaih hun tawh kituak hi. Sia Enno makaihna tawh MBC thuhaksa lemtuah pawl in Khamtung gam ah hong kuan uh hi. 
   😊ZBCM tawh bangmah vaihawm kha nawnlo uh hi. TBA bulphuh deuh uh ahih mah bangin TBA in zong "ZBCM pai ding lah lung kim khin zo kei ung. ZBC ciah kik ding lah lungkim khin zo kei ung, MBC nuai ah Baptist innkuan sun pan lah taikhia het kei nung" a cih ciangin MBC in 😂TBA mailam ding ngaihsutsak hi.

TBA IN CONVENTION ZBC TAWN IN MBC AH NGEN 
   
MBC, TBA leh ZBC makaite kimu uh a, TBA mailam ding a gel na uh a (1) TBA pen Association 3 kisuah ding a, Convention in a din theih nang kithawi ding. (2) Tua hun sung ZBC ah kipawlna sum khia ding a, ZBC kum 50 cin zong bawl khawm ding. (3) ZBC in zong TBA mailam ding a hoih pen in vaihawmsak ding (4) hi bang laklawh hun sung MBC in TBA akisam bangin vaan ding cih ahi hi. Hih vaihawm na mah bangin MBC in TBC a van zawhzah in van hi. TBA zong Association thum kisuah a
 (1) Northern Tedim Baptist Association, 
(2).Tedim (central) Baptist Association leh (3)Southern Tedim Baptist Association kici hi. 

Tua teng ki gawm leuleu in Tedim Baptist Convention dingin vaihawm (form-up) uh hi. 

Hih thu 2001 ZBC Trienial Hnaring ah kigen hi. MBC pan Sia Enno leh Sia Authur Kolay, leh TBA makaite zong hong pai hi. ZBC triennial delegate in TBA te convention a suah theih nang MBC tungah puaktoh dingin lungkimna pia zo lo hi. 

Tua bangin dinmun a kisawn toto pen 2003 ZBC EC in ZBC kum 50 cin Jubilee tawh kituak in thukimpih na a pia ahi hi.

Mai lam ah TBC pen MBC in a kipsak nang ZBC in thukimpih ta hi. Hih pen MBC kalsuanzia lam man a tawn ahi hi. MBC in a pia taktak diam cih om lai hi. Ol no tak in piaziau lel thei ding a, zong pialo thei ek ding hi. Banghang hiam cih leh ei phut bang buaina Shan gam Kachin gamte ah om kawikawi a, MBC in aktui kitam ding bang a a dop kingkiang laitak" ahi hi. Tua ban ah MBC Kumnih cin khawmpi bek in Convention kipsakna a pia thei ding hi a, tu kum January kha sung Myitkyina khua ah tua khawmpi kibawl ahih manin tu zawh kum 2 sung sawt thei lai ding cih lamet om lailai hi.
1953 lai a TBA teng i kipawl khawm thei tam! 

  ZBC 1948  / 1953  to 1993

!948 kum in a piang TBA pen 1953 kum in ZBC a piangsak suangthuthum lak ah khat ahi hi. Kum 50 sung ah convention 3 leh Associaiton 15 a kipha ta suak hi.
1. Tedim Baptist Convention
(1) Northern Tedim Baptist Association,
(2) Tedim (Central) Baptist Association
(3) Southern Tedim Baptist Association
2. Zomi Baptist Convention sung ah
(4) Zo Baptist Association piang hi.
(5) Siyin Region Baptist Association piang hi.
(6) Kalay Valley Baptist Association
(7) Tamu Kabaw valley Baptist Association
(8) Kuki Baptist Association
(9) Tedim Association of Baptist
3. Zomi Baptist Convention of Myanmar sungah
(10) Tonzang Township Baptist Association
(11) Kalay Zomi Baptist Association
(12) Tamu Baptist Association
(13) Zanggam Baptist Association
(14) Gungal Baptist Association (?)
(15) Cikha Baptist Associatioan (?)
*(?)nih pen ka thu nung zak hi a, a min bulhdan khawng tel siang lo hiing.
Hih Convention thum sung a om Association 15 tengin Zomite khantoh nading leh phattuam na ding vaihawm khop theih nang kipawlna khat i vaihawm zo diam? A phamawh in ngaihsut ding thupi ta hi. A tawp nong nong simsak lungdam ing.
=================================
ZBC Tangthu ~By- Rev. Khoi Lam Thang (B.Th., B.A., M. Div., M.A., M.Th)
Src: Zomi Indigenous & Politics

Thursday, 5 March 2020

zomi movemenh

UZO Gamtatna HehLuat In Koihkei Un, A Hithei khatam Aci Uh Hi.
****
   KUA IN ZOMI NAM KHENZAK KITELNA HI
****
6-3-2020
Kamuhna 

1.UZO makaite in ZOLAI SIMBU tunga Lai kigelh bek amit un mu hi. Thusia bangteng kizom ding ngaihsunlo uh hi. Dah huai lo in zumhuai hi.

2. Zolai Simbu pen Kuama hong sawltawm hilo Kum 1925 pekpan Rev.J.H.Cope leh Tedim ;Zo;Thado; Sihzang Hausate thu kikupna pan piang hi. 
  Tedim  Laisin bu kici ngeilo hi.

3. Hih Zolai Simbu hongpianna ZCD;Tedim Association ; Tedim C & L ; ZCLS phuahtawm hilo hi. Kum 100 val khin hi.

4. Kum 2000 khit  2008 Myanmar Constitution zanga  Myanmar Ethnic  Minority Right ( Dilect and Literature) Chin Ethnic -53 te Pau leh Ham sinding Kumpi phalna tawh kisin a hi hi.
  
  Sang inn ah Ethnic Lai lungkimna ding ciang hong kisinsak hia; Zolai Sang leh Zolai Sangsia Regulary Teacher leh Syllabus Ministry of Eduction in  Recognition omnailo hi.
 
TUHUN BANG HUN TELNI

Myanmar gam pen Peace and Reconcilliation  Kilemkikna ding Kumpi hanciam laitak hi. Myanmar gam leh India gama i dinmun Kumpite paisia leh tup leh ngimtawh kituak in I Organization Policy i taipih ding thupi ding hi.
 
1. Kum 1995 a ZBC Pan ZBC paikhia ZOMI khenkham na cici lai uh hi.
 
2.Kum 2012 in ZNC / ZCD Zomi Khen kham cin Zo min hongtuh na cici uha; Lawyer Pu Lian Za Kam makaih in Nay Paye Taw ah hekna laina  pia uh hi.

3. Kum 2020 March 5 nin Zolai Sim bu thu Tedim kampau te Union Ministry of Education ah nahek uh pen Zomi bup ahek na hi uh na kitel ding uh thu pi hi.

Myanmar Ethnic Minority 135 laka Chin 53 te Right hamphatna i ngahtek i metna ding in i zatding thupi hi. I sanggamte metna huaiham bawl or hazat bawl in naupang bang in i awtawt leh thuhoihlo thei hi.

Thuhoihlo suak zokenci;Thuhoihlo asuaksak nuamten suaksak thei hi.

ZOLAI SIMBU -Tedim Kam ( Kam Hau Dilect ) tawh kigelh pen Thado in zong sihpih lai hi.

Kiheklam in pan leng 2014 Myanmar Census Result bang in Mihing 100000 val apha lote Chin Code nuai ah om minamte in, Minam lai sintaklo hicin Kumpi tung hong kihek ding hi. Northern Chin ah  Falam; Hakha ; Tedim kop leh no Zolai gengen val theia; Tedim LC ; ZCLS bawl bek kisinkha ding hi.

Code No. neih leh I Minamtawm hamphatna i zatsiam kei leh i geia mihing tamzawte pau leh lai in hong valhtum ding hi.

Zomi namte a khenkham nuam kua hizaw kitel mahmah hi. 

Lungsim pi cing Mizote Hualngo Chin leh Lusei Chin Laisim bu kigawm sawma; Mizoram Duhlian pau MIZO pau hicin pom uh hi.
  
   Tua mah bang in Zomi makaite zong ZOLAI leh ZOLAI Simbu Tedim leh Zomi vai ah buailo hi.
   
  Hih Zolai Simbu Tedim in min hong deiha; ZOLAI sang in TEDIM bek gelh ding makaite in hong gen leh Zomi kipumkhatna susia hia; Ei aw suahtek tawh Teizang ; Khuano; Saizang; Vangteh ;Dim etc  Chin-Code No..neih Zo mah tawh kikimte daitaka omte in a ngaihsutna uh pilvangtak om uh hicih theih ding thupi hi.

UZO Thu bawl in Tedim;Falam; Hakha leh Zomi Movement Yellow Card or Green Light hong pia hi. Pilvangtak gal etni.

For Zomi Movent
    Hang Shing

ZRO ZRA

ZRO/ZRA- Eastern Command
Press Release
Ciimnuai:The 22nd October,2018
ZRO/ZRA-Eastern Command in tup leh ngim kiciantak nei in kikalsuan hi.Zomi leh Zogam adingin thazung-thatang siit lo-in ma kisuan toto hi.Zomite' bitna,muanna leh khantoh ding ngaih sutna tawh na kisem tawntung hi.
A beisa hunin ih minamte' lunggulh leh lamet bangin kisem kibawl ziahziah zolo hi.Ahih zongin Pasian' hehpihna tawh tuhun ciangin mun tuamtuam ah kalsuanna kinei thei ta ahihmanin lungdam mah mah hi.Tua banga ZRO/ZRA-Eastern Command gamtatna leh nasepnate ah Zomi khempeuh in lipkhap leh laubawl lo-in nong ki thuahpih zawk dingin kong cial uh hi.
Ih Zogam ah ih khuadak kawikawi ciangin siamsinna,neek leh taak zonna,sumlei sumzuakna leh biakna dongah namdangte' ukna nuai ah ki-om den a,eigam sung mah mah ah nenniam a ih om den pen ZRO/ZRA-Eastern Command in thuakkhak sa mah mah ta hi.Bektham lo-in,namdangte' sumlei sumzuakna ah ih khangnote kisiacip ta hi.Adiakin Tonzang gam sung ah Meiteite' zavom(Poppy)ciinna hangin ih khangnote' nungtakna lungkham huai mah mah ta hi.Tua banah,namdangte in Zogam ah thautawi a,Zomite patausak den ahih manun kithuak zo nawnlo ding hi.
Kawlgam kumpi kivaihawmna Federal Government ah Zomi State nget ding ih tup leh ngim thupi pen ahi hi.Hih thu lianpi pen Zogam galkap te ii sepna leh mapanna bek tawh kitangtun zo peuhmahlo ding ahih manin Zomite khempeuh khutkhat tawi khekhat khai bangin ih pankhop loh hong phamawh ta hi.
Commander/ZRA
Eastern Command

lung dam huia thu

LUNGDAM HUAI

Friday, February 28, 2020
ISRAELI SCIENTISTTE IN CORONAVIRUS COVID-19 VACCINE MUKHIATA
ISRAELI SCIENTISTTE IN CORONAVIRUS

 COVID-19 VACCINE MUKHIATA
Israeli Scientistste in tulai a natna lauhuai mahmah Conoravirus (Covid-19 ) vaccine zatuipen mukhiata uh a tuni February 28, 2020 zingsang 6:45 am in New York post News panin hong suaksakta uh hi!

 

Azatui pen Kal 3 sungin zota ding uh a, Ni 90 khit ciangin kizangtheita ding hi ciziau uh ei! Pasian teltuam mite mah Pasian in thupha pia in hihbang leitung mite lungkham hatsatnate ah atate mah hong zang ziau zel hi! Israelte hangin Pasian minthang semsem hen!

Scientists-te pen USA a omte hi-in Israel’s mahtawh a kizomdente hi!

Thudang khat ah:- USA ah Mihau mahmah 10 kiteng khia leh 10 ah 8 pen Jews-te na himawk hi! USA pen ISRAEL-te gamnihna cileng a kikhiallo phial hi! 

Israel-te omomna gamte pen khangto mahmah mawk hi! Leitung en koikoi leng! Israeli-te Topa’n Thupha hong piaksak semsem hen! Leitung mite in Pasian a Muhna dingin!!!

“ Nang Thupha hong piate Thupha kapia ding a, hong samsia mite ka samsua ding hi”
Anuai ah English tawh nasim in link na en un 
Lungdam

zomi movemenh

UZO Gamtatna HehLuat In Koihkei Un, A Hithei khatam Aci Uh Hi.
****
   KUA IN ZOMI NAM KHENZAK KITELNA HI
****
6-3-2020
Kamuhna 

1.UZO makaite in ZOLAI SIMBU tunga Lai kigelh bek amit un mu hi. Thusia bangteng kizom ding ngaihsunlo uh hi. Dah huai lo in zumhuai hi.

2. Zolai Simbu pen Kuama hong sawltawm hilo Kum 1925 pekpan Rev.J.H.Cope leh Tedim ;Zo;Thado; Sihzang Hausate thu kikupna pan piang hi. 
  Tedim  Laisin bu kici ngeilo hi.

3. Hih Zolai Simbu hongpianna ZCD;Tedim Association ; Tedim C & L ; ZCLS phuahtawm hilo hi. Kum 100 val khin hi.

4. Kum 2000 khit  2008 Myanmar Constitution zanga  Myanmar Ethnic  Minority Right ( Dilect and Literature) Chin Ethnic -53 te Pau leh Ham sinding Kumpi phalna tawh kisin a hi hi.
  
  Sang inn ah Ethnic Lai lungkimna ding ciang hong kisinsak hia; Zolai Sang leh Zolai Sangsia Regulary Teacher leh Syllabus Ministry of Eduction in  Recognition omnailo hi.
 
TUHUN BANG HUN TELNI

Myanmar gam pen Peace and Reconcilliation  Kilemkikna ding Kumpi hanciam laitak hi. Myanmar gam leh India gama i dinmun Kumpite paisia leh tup leh ngimtawh kituak in I Organization Policy i taipih ding thupi ding hi.
 
1. Kum 1995 a ZBC Pan ZBC paikhia ZOMI khenkham na cici lai uh hi.
 
2.Kum 2012 in ZNC / ZCD Zomi Khen kham cin Zo min hongtuh na cici uha; Lawyer Pu Lian Za Kam makaih in Nay Paye Taw ah hekna laina  pia uh hi.

3. Kum 2020 March 5 nin Zolai Sim bu thu Tedim kampau te Union Ministry of Education ah nahek uh pen Zomi bup ahek na hi uh na kitel ding uh thu pi hi.

Myanmar Ethnic Minority 135 laka Chin 53 te Right hamphatna i ngahtek i metna ding in i zatding thupi hi. I sanggamte metna huaiham bawl or hazat bawl in naupang bang in i awtawt leh thuhoihlo thei hi.

Thuhoihlo suak zokenci;Thuhoihlo asuaksak nuamten suaksak thei hi.

ZOLAI SIMBU -Tedim Kam ( Kam Hau Dilect ) tawh kigelh pen Thado in zong sihpih lai hi.

Kiheklam in pan leng 2014 Myanmar Census Result bang in Mihing 100000 val apha lote Chin Code nuai ah om minamte in, Minam lai sintaklo hicin Kumpi tung hong kihek ding hi. Northern Chin ah  Falam; Hakha ; Tedim kop leh no Zolai gengen val theia; Tedim LC ; ZCLS bawl bek kisinkha ding hi.

Code No. neih leh I Minamtawm hamphatna i zatsiam kei leh i geia mihing tamzawte pau leh lai in hong valhtum ding hi.

Zomi namte a khenkham nuam kua hizaw kitel mahmah hi. 

Lungsim pi cing Mizote Hualngo Chin leh Lusei Chin Laisim bu kigawm sawma; Mizoram Duhlian pau MIZO pau hicin pom uh hi.
  
   Tua mah bang in Zomi makaite zong ZOLAI leh ZOLAI Simbu Tedim leh Zomi vai ah buailo hi.
   
  Hih Zolai Simbu Tedim in min hong deiha; ZOLAI sang in TEDIM bek gelh ding makaite in hong gen leh Zomi kipumkhatna susia hia; Ei aw suahtek tawh Teizang ; Khuano; Saizang; Vangteh ;Dim etc  Chin-Code No..neih Zo mah tawh kikimte daitaka omte in a ngaihsutna uh pilvangtak om uh hicih theih ding thupi hi.

UZO Thu bawl in Tedim;Falam; Hakha leh Zomi Movement Yellow Card or Green Light hong pia hi. Pilvangtak gal etni.

For Zomi Movent
    Hang Shing

Monday, 2 March 2020

Nungak mangzaw hat mukikpak hamsa

NUNGAK MANG ZAWN HAK , MUHKIK PAHHAKSA
   2-3-2020

 Amuan mahmah mikhat kiang ah or alau mahmah khat kiang ah om thei a hih man in; A inn kuanpihte tawh kizopna kitat in; Ageia ompa kiang ah lungkim in acih bangbang mang in hailawh in thumang zaw hi.
 
 Alau man in thumang Numei ahehpih huai a hi hi.

1. Nungakte innkuan pihte thuhilh manglo  heha, anuaktai, amang omthei. 

2. Khualzin nuam in taisim om thei.

3. Lawmngaihte zui taimang omthei hi.

4. FB ah SMS alawmte tawh kihongeina ah Lawm ngaihnei maw ?neilo kan masa in tuathute siksan in mimang zawndan ipatthei hi.

5. Palikte mipi kemzolo cin i mawhsak hang in,  Mimang pen agupa tawh kithukima Palik zum ah kitending minthuh khin uh zong hithei hi.

6. Nangguak navak ciang na theihngeiloh pasal hong zuisim a om leh bangpau in pau cih tel masa in.

7. Tai zawh nading mun a hih kei leh amausang in mi atamzawtawh nang akimu ding bang in na phone mek in la midang tawh a kiho kineih inla, hong zuisimte zak ding in na aw ngaihsak in.Kawlte ahih leh Kawlpau zang in  ( Mi hong zuisim te mi 3 a hih leh No pasal 6 maw hong pai no tundek uh leh hiah hong ngak ning ci le cin hongzuite in azakciang lawm hauhtuak kiksanni or paisanni ci ding uha; siatna pan nasuakta ding hi.) 

8. Khual zinna mun khat peuh ah Pasal gilote hang haksatna na tuak leh alungkim na ding un pau masa inla; Mun lemna ah zunsuak or nalei kineih in mipi omna zuan in.

9.MITEN  KAWLNGIAN TAWH HONG KHEMNUAM TE  ZO HUIHKHI TAWH ZAWLTAK IN KHEMPUK IN, NASUAKTA DING HI.

10. Nungak khat aman leh ama kithuahpih alawm itte atawmpen mi  3  bang te tung ah  lawm ngaih aneih leh neihoh dottel masak thupi pen hi. Tuathupan thumong zawndan pat theih hi.

11. Police ah Report piak hoih hi. Online pan suahsak na laigelh simkha le uh na kibu semsem thei uh cihzong phawk huai hi.

Tuma kum 3 paikhin Yangon ah  zana Company ah Numei nasem khe tawh innlam ciah, anung pan azui Pasalte pan suahtak na ding hong galdotte thu  leh Mawtaw tuang lai Pasal abuaisakte pan suahtakna ding huhna Phone zanga hong dong, hong gal hopih uh hi. Tua Numeite in ka genbanga gamta  uh in, a suaktate thu katel kong gelh zong om hi. Lungdam.

TOPA IN NA NU LEH NA PA ALUNGKHAMSAK LO SUMMAN BANG IN AMANGLO DING IN THUPHA HONG PIATA HEN.

AMEN #Hang Shing

lung dam huia thu

LUNGDAM HUAI

Friday, February 28, 2020
ISRAELI SCIENTISTTE IN CORONAVIRUS COVID-19 VACCINE MUKHIATA
ISRAELI SCIENTISTTE IN CORONAVIRUS

 COVID-19 VACCINE MUKHIATA
Israeli Scientistste in tulai a natna lauhuai mahmah Conoravirus (Covid-19 ) vaccine zatuipen mukhiata uh a tuni February 28, 2020 zingsang 6:45 am in New York post News panin hong suaksakta uh hi!

 

Azatui pen Kal 3 sungin zota ding uh a, Ni 90 khit ciangin kizangtheita ding hi ciziau uh ei! Pasian teltuam mite mah Pasian in thupha pia in hihbang leitung mite lungkham hatsatnate ah atate mah hong zang ziau zel hi! Israelte hangin Pasian minthang semsem hen!

Scientists-te pen USA a omte hi-in Israel’s mahtawh a kizomdente hi!

Thudang khat ah:- USA ah Mihau mahmah 10 kiteng khia leh 10 ah 8 pen Jews-te na himawk hi! USA pen ISRAEL-te gamnihna cileng a kikhiallo phial hi! 

Israel-te omomna gamte pen khangto mahmah mawk hi! Leitung en koikoi leng! Israeli-te Topa’n Thupha hong piaksak semsem hen! Leitung mite in Pasian a Muhna dingin!!!

“ Nang Thupha hong piate Thupha kapia ding a, hong samsia mite ka samsua ding hi”
Anuai ah English tawh nasim in link na en un 
Lungdam