Kawlgam bup kiteel na ah(2015 myanmar election)

I minam minpua kipawlna ahi GZA, LZI, ZRO le a munmun, a gamgam, a phualphual ah Zomi minpua kipawlnate le Zomi min pualo a dangdang kamphen kullo Zomi kipawlna khempeuh tungah a thak hopihna khat kong nei nuam hi. Lai Siangtho sungah "honguk kumpite' thu namang un!" a cih mah bangin Zomi galkap i nei a, i minam security ciangbek hi in, tudong kumpi langdo nailo hihang. Pasian mai le kumpi mai ah kisuanna malkhat zong omlo ding hi. Party le mimal vai ah kabuai kei hi. Party khempeuh zong amau muntek ah a hoihna le a thanemna om ciat dingin ka um hi. Mimal zong a hoihna a om mah bangun a thanemna mun kibanglo bek hiding uha, thanemna neitek ding hi. I kisap bang hiam? 1. Tedim in District i ngah ding maw? 2. Tedim, Tonzang le Cikha tengin Autonomous State ngahna ding maw? 3. Federated State maw? Mimal vai le party vai gen hilo zaw in, i gam sung tangthu le i phutkhak haksatna le mailam hong pai ding thu pawlkhat i kikum suk nuam hi. Kiteelpina pen tuzawh ani bek in kisamlai a, hun tampi om nawnlo a, khetsat hun bek i neilai hi. Kipawlna ah makaipite in kamkhat nong tangko khiat uh mipi bangmah theilo ten mittaw sialkhat let-a ki um pahpah ahih manin, makai khempeuh in network pan ahi zongin khawmpi ciangin ahi zongin kampau ding hong ngaihsun un. USDP (Galkap mangte party) Hih galkapmangte' hong ukcipna sawtpi sung i thuak a, Tedim le Tonzang gamhuam sung bangah ki-ukna siat luatna tawh Sanggam Khalkha lamte makai in galkap kumpi langdo dingin CNA gamsung galkap hong kipankhia uh hi. CNA (Chin National Army) Chin State buppi ading ci-in hong diang petmah uha, a sawtlo in gamsung ah nek le dawn ding a neihloh uh teh Chin State sunga mipi tungah nektawm zong, khutdawhngen le damiah dinmun naleng hongtung to mawk liang uh hi. Tom gento lehang Tedim gam sungah Tedim kampau Zomi 14 vilvel hong thahlup sak uh hi. Hih pen CNA tungah i hehna i pulakma in USDP huhau a hong piang gamtatna hong suak a, USDP ukna mei kizomto hong suak hi. 2010 Democracy: UNO, USA le leitungbup theih dingin Democracy lampi tawnin kumpi hong kilaihto a, Than Shwe panin Thein Sein ah Kawlgam ki-uk vaipuak hong kilaih hi. Gamsung zong tampi mah kikhel in noptuam mahmah cih ding ahi hi. Ahi zongin a kisamlai mipite' kisap penin; 1. Van man kiamlo mawk hi. 2. Mipi' nuntakna ding nasep hong guanzolo uh hi. 3. Mipi' pilna zonna dingin kumpi in huhlo hi. Bawhlung suih bangin party teng hong kidem dinguh hita hi. USDP in hong ngah leh vanman hong kiamtuam hanhanlo ding a, mipite' nasep ding hong guanzo zuahzuahlo ding uh hi. Gamdang ah mite' sila dinga Zomite i puapial khengkhang pen USDP in Kawlgam hong makaih man ahih lam teltek napi hangin ihmu kineih Zomi makaite' laimal le kammal kamuh khak, kazak khak ciangin na mipite uh hong it taktak nailo nahihna uh katel a, ka khasia nuam hi. A taktak in 2010 kumin ki-ukna tampi hong kikhel toh pen Democracy party teng le mualtung singnuaimi teng hang hi a, a diak in leitungbup Democracy Symbol Daw Aung San Suu Kyi hang hilel hi. Hizah in hong dianglo uh hileh bang i cici tam? Tuni tuhun in hiciang Kawlgam dinmun pen a lungdamhuai mahmah thu cih ding ahi hi. A pawlpi tek panin Pasian sathaunilhte' makaihna tawh khitui luanglianga i thungetna zong Pasian in hong dawng hi ci-in ka ngaihsun hi. NLD le ZCD Zomi minpua bek hilo, Zomi hanga mat le hen tampi vei a thuak Pu Chin Sian Thang le a pawlte thapiak ding pen mipicing Zomi khat i hih leh haksa sa kei ni. Amau kuangluina munteng ah ZCD mah mee piatek ni. Tualo mundang tengah Kawlgambup mipite hongit man-a mat le hen tampi vei a thuak Daw Aung San Suu Kyi le apawlte mee piatek ni. USDP hanga nektawm zonga gamdang ah namdangte' khenuai ah simmawh bawlsiat tawh nektawm zong na Zomipih, Dal Sian Hung Kuala Lumpur, Malaysia. 3 November 2015

Tulaai leitung thuthang.

Tulaai Leitung Thuthang Tuamtuam updates May 11,2016 *********************** US President Obama Hiroshima Khuapi hawhding US President Obama Amasapeen Japan gam Hiroshima khuapi May 21-28 kikaal vahawhding a, Prime Minister Shinjo Abe tawh akimuhkhit ciang Vietnam hawhsuakding ci in Inn Kaangpi te May 10,2016 ni in taangkokhia uhh. Hih Hiroshima khuapi peen 1945 kum August 6 ni in USA ten Atomic Bomb amasa peen akhiatna khuapi hia, Mi 140,000 si hi. Japan mipi ten mangngilh thei mahmah lo uha, US president kheempeuh in siik leh ut uhhi.VOA IS ten mi 93 go lum Iraq gam Baghdad Khuapi sung Shia Muslim te teenna veeng mun 3 ah May 11,2016 ni in IS migilo ten Mawtaw tawh Bomb siah in puakkham sak uha, Mi 93 si in 87 liam uhhi. IS ten mission kilawh cing ci vanglak uhhi..BBC Turkey gam ten IS kaalkap 3,000 gozo Turkey gam te in Istanbul khuapi ah Gaalkaap Khawmpi khat May 11,2016 ni in bawl uha, President Recep Tayyip Erdogan in Syria leh Iraq gam sung ah Turkey gam ten IS migilo 3,000 that khinta a adanggam tetawh tehnavet omlo in ihaat mahmah hi ci in pulaakkhia hi. CNF in Zogam guuksawm Tozang gam Phaitu kiim ah CNF ten phualpi khat seat a nasep theih nading in Chin state kumpi tung ah abeisa April 5,2016 ni in ngetna nei uha, pia ding maw pialo ding cih kitelnailo hi. Hih Chin te in Nasep nading mun in Zogam ongzangnuam uha, Zomi te mah zang in hamphatna a omte amaubek in ngehding cihdan in imun imual te zang in Sila bang in zat ongsawm uh ahihi. Ahizong in ZCD Mp ten bel liakkha veih cin nuihsan hiuhiau lel uhhh. Lungdam Topa' Thupha maw leh
Tulaai Leitung Thuthang Tuamtuam updates May 11,2016 *********************** US President Obama Hiroshima Khuapi hawhding US President Obama Amasapeen Japan gam Hiroshima khuapi May 21-28 kikaal vahawhding a, Prime Minister Shinjo Abe tawh akimuhkhit ciang Vietnam hawhsuakding ci in Inn Kaangpi te May 10,2016 ni in taangkokhia uhh. Hih Hiroshima khuapi peen 1945 kum August 6 ni in USA ten Atomic Bomb amasa peen akhiatna khuapi hia, Mi 140,000 si hi. Japan mipi ten mangngilh thei mahmah lo uha, US president kheempeuh in siik leh ut uhhi.VOA IS ten mi 93 go lum Iraq gam Baghdad Khuapi sung Shia Muslim te teenna veeng mun 3 ah May 11,2016 ni in IS migilo ten Mawtaw tawh Bomb siah in puakkham sak uha, Mi 93 si in 87 liam uhhi. IS ten mission kilawh cing ci vanglak uhhi..BBC Turkey gam ten IS kaalkap 3,000 gozo Turkey gam te in Istanbul khuapi ah Gaalkaap Khawmpi khat May 11,2016 ni in bawl uha, President Recep Tayyip Erdogan in Syria leh Iraq gam sung ah Turkey gam ten IS migilo 3,000 that khinta a adanggam tetawh tehnavet omlo in ihaat mahmah hi ci in pulaakkhia hi. CNF in Zogam guuksawm Tozang gam Phaitu kiim ah CNF ten phualpi khat seat a nasep theih nading in Chin state kumpi tung ah abeisa April 5,2016 ni in ngetna nei uha, pia ding maw pialo ding cih kitelnailo hi. Hih Chin te in Nasep nading mun in Zogam ongzangnuam uha, Zomi te mah zang in hamphatna a omte amaubek in ngehding cihdan in imun imual te zang in Sila bang in zat ongsawm uh ahihi. Ahizong in ZCD Mp ten bel liakkha veih cin nuihsan hiuhiau lel uhhh. Lungdam Topa' Thupha maw leh