KAWL PI MYOMAH BAZAR
kawlpi sung ah aom masa pen ahi myomah Bazar pen lei nuai ah dawl khat atung lam ah ahi thei zah zah mi te om theih dong in lam ding in myone manicipal mai kai U Tin Hliang in Nov.10.2013 ni in Bazar zum sung ah gen hi.
KI KHAH TA
U Newin tute Aye Newin leh Kyaw Newin te Nov.15.2013 ni zing sang nai 9:00am in khah khia ta uhhi.
MAT DING HITA
Tibet minam sukbei na ding in han ciam na nei ahih man in sen kum pi Jiang Zemin leh alawm te mi 4pen mat ding leh sapin's national court ah thu sit na nei ding inkhen sat na nei khin uh hi.
TUI TUNG AH HOTEL HONG DING
Kawl gam sung ah amasa pen ding ahi 6 star tui tung aom Hotel hoih mah mah khat asawt lo in Yangon Bota Daung tembaw khawl na mun ah ki hong ding hi.Hih Hotel pen tembaw hi aa,England pan in company in alei hia, meter 705sau, meter 18.5gol in khan 104 om in annek na khan gol pi 2 om in anuam mah mah ding in aki puah san lai tak ci uhhi.
SEA GAME F.B.T COMPANY IN HUH
Seagames ki mawl na sung aki hel ding kawl gam ki mawl siam te ading in Thai gam aom FBT company te in US$ sang 20 man ki mawl na ah van zat ding tuam tuam te Nov.22.2013 ni in Thai Boxing ki pawl na scretary Thitiphan in Nyi pyi daw ah pia khia hi.
CNF PULIC CONSULTATION NEI
CNF (chin national fornt) in Taungphila kum 100hall ah Nov.6.2013 ni in mi pi tawh ki muh khop na nei cihi. Mipi hall dim in gam vai tawh kisai mipi tung ah dot na 40 nei in mipi lung sum ngaih sut na la uhhi.(TSR)
NIN BULOM PAN SATHAU BAWL
Sen gam pan aki bawl sathau pawl khat te pen nin bulom tang pan aki bawl kik hia, tua pen ansai te ah man ol tak in zuak kik cih mipi leh khual zin mi te in atheih na ding in RSA news Group-China in video la in lak kik cihi.Ansai ah hibang dan hi mawk ahih man in an ki ne ngam non ding maw cih Washington post in gelh hi.
UNFC TE THU KHUN PULAK NA
NLD makai pi ahi Daw Aung San Su Kyi kum pi asuah theih na ding aki khak tan pi ahi 2008 thu khun pi sung a No.59(f) pen man lang tak in phuah pha ding hihang ci in UNFC secretary U Naing Hanta in media te tung ah gen khia hi.
KAWL GAM KI NEIH SIAM ZOLIA HTET MON MYINT PASAL NEI DING
Kawl gam sung ah ki neih siam mah mah ahi zolia Htet Mon Myint in mai kum2014 ciang in pasal nei ta ding cih Facebook tung pan ki mu khia hi. Ki ten khit ciang in zong ama na sep ngei mah ahi Movice actress ki neih na lam ah sem ding cihi aki ten ni lian ki tel nai lo hi. aki ten pih ding pa min Ko Sit Nai cihi. ( IRRAWADDY.NOV.21.2013)
ATAT SIA PEN TE
Gam khan toh na ding adeih khawm in agam leh alei tangh uh ahia , lui te ahi zong in susia lo uhhi.
Khan toh na aki zom pai suak theih na ding in tua don in hu-in kep ding kisam hi.Tua bang hilo in gam mang tuk lak ,lei tangh ,luitui te leh asung a aom ngasa te suksiat na in asia pen gam tat na ahihi ci in U Thein Sein Nov.18.2013 ni in Nyi Pyi Daw ah gen hi.
---------TEUTETANGKO----------
